प्रतिकुल परिस्थितीतून शेतकरीपुत्र बनला CA ...!

           प्रतिकुल परिस्थितून शेतकरीपुत्र बनला CA

                     जगण्याची लढाईतही जिथं पोटाची खचखळगी भरण्यात बऱ्याचदा परिस्थितीअभावी भल्याभल्यांची गणितं चुकतात... तिथं रत्नापूर ता.परंडा.जि.उस्मानाबाद येथिल शेतकरीपुत्राने प्रतिकुल परिस्थितीवर मात करत CA बनून आपल्या शेतकरी पित्यासह संपुर्ण गावाची अभिमानाने मान उंचावली.

नीलेश मचिंदर यांनी पहिल्याच प्रयत्नात यशाला गवसणी घातली आहे. नीलेश यांची घरची परिस्थिती बेताचीच आहे. वडील जयहिंद मचिंदर व आई जमुना शेतकरी आहेत. नीलेश यांचे गावातील जिल्हा परिषदेच्या शाळेत सातवीपर्यंत, तर माध्यमिक शिक्षण श्रीमती पवित्राताई दैठणकर शाळेत झाले. पुढील शिक्षण पुणे येथे झाले असून, वाणिज्य शाखेतून पदवी घेतली.

चार्टर्ड अकाउंटंटची परीक्षा नोव्हेंबर 2019 मध्ये झाली होती. या परीक्षेचा निकाल 16 जानेवारीला जाहीर झाला. देशातून अवघे 15 टक्के विद्यार्थी उत्तीर्ण झाले. नीलेश यांनी या परीक्षेत यश प्राप्त केले.

गावाची मान अभिमानाने उंचावल्याबद्दल येत्या २६ जानेवारीला रॉयल रत्नापूर, ग्रामपंचायत रत्नापूर,जि.प.शाळा रत्नापूर, तसेच श्रीमती पवित्राताई दैठणकर हायस्कूल,रत्नापूर यांचे तर्फे छोटेखानी सत्कार सभारंभ आयोजित केलेला आहे.

रॉयल रत्नापुर च्या निलेश मचिंदर यांना आमचा मानाचा रॉयल सॅल्यूट...!